സിഗരട്ട് കൊണ്ട് പൊള്ളലേല്ക്കാത്ത ഒരു പുറം വേണമെന്ന്
ഞാന് പ്രാര്ഥിക്കാറുണ്ടായിരുന്നു.
അതുപോലെത്തന്നെ ചൂരല് കണ്ടുപിടിക്കാത്ത
ഒരു ലോകം വേണമെന്നും ..............
ഇടിവെട്ടുമ്പോള് മയില് നൃത്തം ചെയ്യുമെന്ന് കേട്ടിട്ടുണ്ട് .
പക്ഷേ ഇടിവെട്ടുന്നത് പേടിയാണെനിക്ക്....കാരണം ,
ശബ്ദം പുറത്തു കേള്ക്കാതിരിക്കാന് മഴ പെയ്യുമ്പോള് തന്നെയാണ്,
എന്റെ പുറത്തും കൈകള് വീഴുന്നത്.
മദ്യത്തിന്റെ വീര്യത്തില് കൊച്ചമ്മ ക്ഷീണിക്കുമ്പോള്,
എന്റെ ഹൃദയമിടിപ്പുകള് ഉച്ചത്തിലാകും ..
പിന്നെ എച്ചിലെടുക്കാന് ചെല്ലുന്ന എന്നെയും അയാള് .....
അയ്യായിരം രൂപയ്ക്കു വാങ്ങിയ മൊബൈല് പോലും
താഴെ വീഴാതെയും വെള്ളം നനയാതെയും
അവര് കൊണ്ടുനടക്കുന്നുണ്ട് ........
പക്ഷേ പതിനയ്യായിരം കൊടുത്തു വാങ്ങിയ എന്റെ പുറത്തു,
തിളച്ച വെള്ളമോഴിച്ചാണവര് സന്തോഷിക്കുന്നത് ...